सोलापूर : सोलापूर जिल्ह्यात एक खळबळजनक घटना सोमवारी घडली आहे. शेतीच्या वादावरून पुतण्याने चुलत्याचा कुर्‍हाडीने गळा कापला. तो एवढ्यावर न थांबता कुर्‍हाडीने मुंडके धडावेगळे केले. सावत्र चुलत्याची निर्घृण हत्या करून संशयीत आरोपी पुतणे हे मुंडके घेऊन फरार झाले होते. खुनाचा थरार माढा तालुक्यातील टेंभुर्णी पोलीस स्टेशनच्या हद्दीत असलेल्या शेवरे येथील कुरणवस्तीवर सोमवार दि. ११ रोजी सकाळी साडेदहाच्या दरम्यान घडला आहे.
संशयीत आरोपी मुंडके घेऊन फरार झाल्याने खळबळ उडाली होती.सोमवारी दिवसभर टेंभुर्णी पोलीस मृत शरीराचे मुंडके शोधत होते. आरोपींनी घटनास्थळी पासून दहा किमी अंतरावर मक्याच्या शेतात मुंडके फेकून आरोपी फरार झाले होते.
सायंकाळच्या सुमारास मुंडके मिळाले असून शासकीय रुग्णालयात शवविच्छेदन सुरू असून मंगळवारी अंतिम संस्कार केले जाणार आहे. खून करणार्‍या आरोपींपैकी एकाला टेंभुर्णी पोलिसांनी अटक केली आहे. आणखी संशयीत आरोपींचा शोध सुरू असल्याचे एपीआय जोग यांनी सांगितले आहे. शंकर प्रल्हाद जाधव (वय ६५) असे त्या मयताचे नाव आहे.मिळालेल्या माहितीनुसार, शंकर प्रल्हाद जाधव आणि आरोपी शिवाजी बाबासाहेब जाधव यांच्यात अनेक महिन्यांपासून जमिनीचा वाद चालू होता.
त्याचाच राग मनात धरून आरोपी शिवाजी बाबासाहेब जाधव, परमेश्वर बाबासाहेब जाधव, आकाश बाबासाहेब जाधव, अजित बाबासाहेब जाधव (सर्व रा. शेवरे ता. माढा) हे चार भाऊ चुलते शंकर जाधव सोमवारी सकाळी यांच्या घरी गेले. शिवाजी जाधव याने धारदार कुन्हाडीने वार करून शंकर जाधव यांचे मुंडके धडावेगळे करून खून केला.चार भावांनी सावत्र चुलत्याला जागेवर संपवलं. जवळपास अर्धा ते पाऊण तास हा खुनी थरार शेवरे वस्तीवर सुरू होता.
आरोपी शिवाजी जाधव याने शंकर जाधव यांना ठार करून कुर्‍हाडीने मुंडके धडावेगळे केले. शंकर जाधव यांचे मुंडके घेऊन मोटारसायकलवरून फरार झाला. मृत शंकर जाधव यांच्या पश्चात दोन मुले, दोन मुली, पत्नी असा परिवार आहे. घटना घडत असताना सुदैवाने कुणीही नव्हते. अन्यथा मोठा हत्याकांड घडला असता अशी चर्चा शेवरे परिसरात सुरू आहे. या घटनेची फिर्याद शेजारी राहणार्‍या नरहरी नवनाथ बंडलकर यांनी टेंभुर्णी पोलीस ठाण्यात दिली आहे.
पोलिसांनी शिवाजी बाबासाहेब जाधव, परमेश्वर बाबासाहेब जाधव, आकाश बाबासाहेब जाधव व अजित बाबासाहेब जाधव यांच्याविरुद्ध गुन्हा दाखल केला आहे. पुढील तपास सहायक पोलीस निरीक्षक जोग हे करीत आहेत.जमिनीच्या वादातून शंकर जाधव या वृद्ध चुलत्याला ठार करून त्यांचे मुंडके धडावेगळे केले. क्रूरतेचा कळस इतका वाढला होता की, आरोपी शिवाजी जाधव याने शंकर प्रल्हाद जाधव यांचे मुंडके मोटारसायकलच्या टाकीवर ठेवून फरार झाला.
मुंडके दुचाकीवर घेऊन जाताना नरसिंहपूर व संगम येथील पेट्रोल पंपावर असलेल्या सीसीटीव्ही कॅमेरात दिसून आल्याचं पाहायला मिळालं आहे.घटनेची माहिती मिळताच टेंभुर्णी पोलिसांची टीम घटनास्थळी पोहोचली. घटनास्थळी फक्त मृत शरीर पडले होते. शरीरासोबत मुंडके देखील पाहिजे होते. त्यामुळे पंचनामा, शवविच्छेदन, अंतिम संस्कारचे काम रखडले होते. पोलिसांचे दोन पथक आरोपी व मृत शरीराचे मुंडके शोधण्यासाठी ताबडतोब रवाना झाले. सोमवारी सायंकाळी शंकर प्रल्हाद यांचे मुंडके दहा किमी अंतरावरील मक्याच्या शेतात आढळून आले. पोलिसांनी पंचनामा करून मुंडके ताब्यात घेऊन संपूर्ण शरीर शवविच्छेदनसाठी शासकीय रुग्णालयात पाठवले.